مات البطل الشهيد

مات البطل
والشمس فوق الجبين مات البطل برصاصة غدر

ينصاب ياعينى بطلقتين شاء العليم ولله الامر

بس ده كان ايه ذنبه يموت فى عز الظهر

ينفطر عليه قلب امه تشوف مهانة وذل وقهر

كان بيطالب بحقه وده حق مشروع

مواطن مصرى بسيط ليه يموت م الجوع

تصعب عليه نفسه ويزرف بالدموع

قولولى فين حقى وليه صوتى مش مسموع

تلاتين سنة وبينادى لما صوته اتنبح

وكانه فى وادى واللى يبات عليه بيه يصطبح

ليه بس يا بلادى ولا مكتوب لى انجرح

لما شافوه ا بيعادى قالو لازم يندبح

قالوا هو اللى جابو لروحه

ماهو مسمعش الكلام

وليه يدخل روحه

فى خصخصة القطاع العام

او دخل قناة السويس

ماله برحيل الرئيس

كلام وضيع وخسيس

بنقول عايزين نتقدم

ودا بيمنع دفع عجلة السلام

يبقى لينا حق نحكم عليه بالاعدام

بـ الزمه ده اسمه كلام

فى ثانية اتعمله قضية

واتحكم عليه فيهـا

بلاش يقدم شكية

الا يندفن فيها

يشتكى لمسئول يلاقيه اصم

يفضل يزعق والناس تتلم

واقفين فى الميدان ومحدش اهتم

والمسئولين يقولوا اخوان وعايزين يشوفوها دم

ويسقط شهيد وراء شهيد

ماتوا عشان الحق

والصوت عالى وشديد

بيقول للظلم لأ

وبكرا مولود جديد

يحلف بالميدان وينطق

وكفاية يا حكومة خلاص

دلوقتى جه وقت الخلاص

ناس تموت علشان تعيش ناس

وناس عايشة كدا وخلاص

يا شباب خمسه وعشرين

احكوا قصتى وخليكو شاهدين

فلاح مصرى مسكين

مات فداء تراب مصر