الغل مش طبعنا – راح فين ياناس حقنا – تعالوا نتحاسب – سؤال انا باساله واجابته مربوطه فيه – لو الكبير طبال هيكون صغيره ايه – هيكون صغيره ايه غير رقص ليل ونهار – الطبالين درجات والرقاصين درجات – وهناك واقفين بعيد ناس قاعده تتفرج – لا طبل بيطبلوا ولا رقص عارفينه – كل اللى عايزينه – لقمه تسد الجوع – لو حتى مش بدود – بس يكون موجود – ودى واحده عند الفررارجى بتقوله ياشاكر – اوزن بسرعه قوام اتنين كيلو هياكل – اصل النهارده الخميس خلى الراجل ياكل – خلى العيال تاكل وتمصمص الجناحات – خلص ياشاكر هات – استنى صبرك شويه قالها شاكر – اول ما دخلت عليهم واحده من الامرات – تأمرنى ست البنات – م البط هات دكرين بس يكونوا حلويين – ديك رومى انا عايزاه بطبله منفوخه – وهات معاهم فيليه – وأياك تنسى الوراك – وأبعت قوام عالبيت – تامرنى ست البنات – والثانيه وقفت بعيد فى زاويه فى الدكان – قوللى ياشاكر قول – الحلوه تطلع مين – رد عليها وقال – عقبالى والسامعين – جوزها موظف ياستى فى وحده محليه – قالت ياشاكر هات – ماهو البشر درجات – وجوزها الغلبان قاعد ساعه راحه – ما أهو اصل شغله هناك – فى مدينه الواحه – وصحابه قاعدين معاه الكل يشرب شاى – قاله زميله بشاى – تقدر تقوللى ياابو احمد القصر من دول بكام – قاله وانا اعرف منين – رد الغفير قاله بتلات ارانب قول – رد عليه منصور سواق سعاده البيه – يابنى تلاته ايه – مش اقل من خمسه – خمس ارانب يادوب عالفيلا دى ماتخلص – جابوا الفلوس دى منين سأله ابو احمد – رد عليه منصور اسمع بقى ياسيدى البيه بتاعنا دا شغله يبقى فى بنك كبير – وفيلته جنبها واحده لابن وزير – والتالته اللى هناك صاحبها ظابط كبير – ظابط من الاسياد – قصدى اللى كانوا أسياد – والرابعه والخامسه دول لموظفين فى الجهاز – والسادسه ديا لواحده بملف فى الآداب – والسابعه دى لدكتور فى معهد الاورام – والتامنه بينى وبينك صاحبها عنده بازار وسمعت انه كمان بيهرب الآثار – والتاسعه لمذيع كبير طيب وابن حلال وكل شغله علينا ( مصر النهارده فين ) – والعاشره دى صاحبها صحفى وبيعارض – على ايه بقى يعارض – ودى بقى لمدير – مدير ضرايب كبير – وواحده لصاحب حصانه كان يوم فى البرلمان – والقصر اللى بعيد دا صاحبه اسمه الحوت – الحوت دا تاجر كبير – بيقولوا تاجر كيف – وقف ابو احمد وقال قوم بينا يابشاى قوم – ماهو البشر درجات – ومشى وعدى اليوم – عربيه نقل جابوها – الكل يركب قوام – الكل فى الصندوق – الكل عايز يروح اصل الليلادى خميس – مشيت خلاص مشيت وعالطريق طلعت – والكل يتفرج – قصور يمين وشمال والنخل زاينها – واللا يامصر عمار – دى كلها ملايين – وعاليمين والشمال بتمشى عربيات – مش اى عربيات – دى كلها زيروا – زيروا سايقها عيال – جابوا فلوسها منين – قولولنا مش عارفين – نشغل دماغنا ليه – قالها ابو احمد – ماهو البشر درجات – استنى وقف هناك – استنى نزلنى – نزل ابو احمد وراح على مقله مشهوره – واقف هناك عندها باشا من البشوات – ومعاه كمان واحده ياناس من الامرات – أدينى يابنى قوام هات لب وسودانى – ولوز وجوز اوعى تنسى – والكاجو هاتلى كمان – عين الجمل والصنيبر كنا هننساهم – خلص يا أبنى قوام – ميل ابو احمد عليه – ميل على البياع – ميل عليه وشوشه ماتيالا مشينى – ادينى بقى تمن سوبر – قوام ودارينى – مشى ابو احمد خلاص – رايح خلاص عالبيت – سرح فى ربه وقال – يارب انا راضى – حامد وشاكر يارب – لكنه فين العدل – العدل فين ودووه – يا اخوانا فين العدل – صرخ فى وسط الناس – قولوا لى فين العدل – بأقولها من تانى – وهاقول واعيد تانى – الغل مش طبعنا – راح فين ياناس حقنا – تعالوا نتحاسب – مين اللى هيحاسب – طب مين يحاسب مين – قولوا لى يا اخوانا – دا مفيش غير ( ربنا ) هو اللى هيحاسب – لازم هنتحاسب – كله هيتحاسب .
الرئيسية 
أحدث الصور 
دردشه كتابيه 
شات للتعارف الجاد 
تسجيل دخول الاعضاء 
الخميس فبراير 02, 2012 11:45 am من طرف 
